عاملين ايه
واقروا الموضوع كله ولاخرره هاه ماشي
لو انتي حد عايز حاجة منك وانتي وراكي كذا حاجة بتردي عليه وتقولي ايه!
اصل انا مش فاضية النهاردة
طب نحسبها تاني كده مع بعض
انتي وراكي ايه..........
بتروحي تتفرجي ع التليفزيون او بتشتغلي ع الكمبيوتر
يعني وقت بيضيع
ঔღঔ هانحسبها تاني بقي ولا لأ ঔღঔ
اظن انتو كده عرفتوا احنا هنتكلم عن ايه
احنا هنتكلم عن الوقت الضايع
عارفين الحكم فى ماتش كورة لاعب بيقع ع الارض او اي حاجة بتحصل فى الملعب ملهاش لازمة بيحسبه وقت ضايع وبيدي وقت اضافي لكن انتي لا لو فى وقت ضاع منك ما بتقدريش تدي وقت لنفسك اضافي هو العمر مرة واحدة بس
انا بقي عايزاكو تبقوا معايا فى الموضوع ده وهنحسبها تاني مع بعض
وانا عارفة ان كل حد سمع كلام كتير عن الوقت الضايع وقيمته واهميته
ঔღঔ هانحسبها تاني بقي ولا لأ ঔღঔ
لكن المرة دي عايزاكي تحسبيها تاني بجد معايا
ঔღঔ هانحسبها تاني بقي ولا لأ ঔღঔ
هو ليه بقينا نسمع دلوقتي ان ناس بتقول ان اليوم ما بقاش فيه بركة ؟؟؟؟
او اليوم طار!!!!
مع ان فى دراسات اثبتت اننا لو ادينا مشروع لمجموعة عشان تخلصه فى ساعتين
وادينا نفس المشروع لمجموعة تانية وقلنالها خلصيه فى اربع ساعات
الاتنين هيخلصو المشروع فى الوقت المحدد ليهم...
..........معنا كده اننا عندنا استعداد اننا نضيع وقت
عارفة انتي لو متوترة هتاخدي ضعف الوقت اللى المفروض ناخده فى اى حاجة معينة يعني
ما نستهترش بالوقت يا جماعة
امشي معايا ونحسبها تاني مع بعض
ياتري ايه الاسباب اللى بتضيع وقتنا؟؟؟؟
هحكيلكو قصة توريكو احنا بنفكر ازاي
كان فى حطاب قاعد بيقطع فى شجرة والفاس اللى بيقطع بيه الشجرة ما كانش حاد وكان قاعد بيعافر عشان يقطع الشجرة اوكي؟
فعدي عليه واحد وقاله ما تسن الفاس بتاعك فقاله الحطاب هو انت مش شايفني مشغول قد ايه!!!!
اهوه احنا كده عاملين زي الحطاب فى ايدينا الحل وندور عليه
......لو احنا قلنا اننا ما عندناش وقت عشان ننظم وقتنا هنفضل نلف فى طاحونة ......
ঔღঔ هانحسبها تاني بقي ولا لأ ঔღঔ
فى اختبار لازم تعمليه لنفسك,,,,,
فيه حاجة اسمها اختبار الضرورة
يعني تشوفي ايه الانشطو اللى انتي بتقومي بيها لمجرد انك بتحبيها
فيه اختبار تاني اسمه اختبار الخصوصية
يعني تحاولي تعرفي اي حاجة انتي بتعمليها بتخصك ولا لا ولا تخص حد تاني
وابدأي نظمي وقتك على حسب اولوياتك ..
مش احنا لو رايحين رحلة بنقعد نحضر شنطتنا وحاجاتناوهنلعب ايه وهتاخد وقت قد ايه ونحاول نعمل ده قبل الرحلة
ياتري رحلتنا فى الحياة مش محتاجة مننا كده!!!!
ঔღঔ هانحسبها تاني بقي ولا لأ ঔღঔ
لازم نعرف ان كل ساعة بتقضيها فى التخطيط بتوفر4:2ساعات من وقت التنفيذ
احسبيها تاني وانتي اولي بالوقت الضايع ده رد: ঔღঔ هانحسبها تاني بقي ولا لأ ঔღঔ
عشان ما يكونش عندك وقت ضايع ما تحاوليش تعتمدي على الذاكرة بتاعتك عشان اكيد هتنسي حاجات مهمة
عشان ما يكونش عندك وقت ضايع اتخلصي دايما من الحاجات التقيلة على قلبك الاول
يعني مثلا اذاكر ولا اشتغل ع الكمبيوتر
لا ذاكري الاول واخلصي مش انتي عايزة تخلصي اخلصي عشان تستريحي عشان تحسي انك عملتي اللى عليكي
عشان ما يكونش عندك وقت ضايع ما نتأخرش على المدرسة او كليتك
رد: ঔღঔ هانحسبها تاني بقي ولا لأ ঔღঔ
كان في مرة استاذ جامعي فى محاضرة جاب برطمان وجاب صخور احجام مختلفة
وملي البرطمان صخور كبيرة وقال للاولاد شايفين ايه قالو شايفين برطمان مليان صخور قال يعني البرطمان اتملي كله؟
قالوا ايوة
وبعدين طلع الدكتور الصخور الصغيرة وبدأ يرميها فى الفراغات اللى بين الصخور وبعدين قالهم ياتري كده البرطمان اتملي سكتوا وبعدين قالوا يمكن
وبعدين الدكتور جاب مية ودلقها فى البرطمان وقال دلوقتي اتملي بقي ؟؟
وبعدين قال ياتري ايه الدرس اللى انتو فهمتوه ؟؟؟؟؟
فرد عليه ولد وقاله ان مهما يكون جدولنا مليان بالشغل بس احنا بالجد والاجتهاد نعمل اكتر
قاله الدكتور تمام كده بس الهدف الرئيسي انك تحط اهدافك الكبيرة فى الحياة اول حاجة عشان لو ملينا حياتنا باهداف صغيرة زي
الاحجار الصغيرة اللى احنا حطيناه مش هلاقي ابدا مكان للاهداف الكبيرة
رد: ঔღঔ هانحسبها تاني بقي ولا لأ ঔღঔ
وما نقولش انا مش فاضية النهاردة غير لما يكون ورانا حاجة مفيدة
......احسبيها تاني وحاولي تغيري من نفسك......
رد: ঔღঔ هانحسبها تاني بقي ولا لأ ঔღঔ
وكده اكون خلصت كلامي ومستنية كلامكم انتو
ياااااارب تكونوا مقدرين تعبي واشوف تفاعل منكم
مع الف سلاااامة